Quen non ten algunha rareza?

O alumnado de 2ESO creou na materia de Lingua castelá uns poemas sobre nenos e nenas raros, porque nesta vida...que levante a man que non teña algunha rareza!

Para facelos, inspiráronse nas propostas de Tim Burton (La melancólica muerte de chico Ostra) e Raúl Vacas (Niños raros).

Deixámosvos aquí algunha mostra:

El niño raro
Este es el niño raro
suele ser el más callado,
de su clase el apartado.
Mejor dicho el marginado.
Él siempre ha soñado,
con algo bonito y claro.
Que quiere ser conocido,
para así tener amigos.

La chica cocodrilo
Con un mordisco tras otro
regala su corazón,
le salía de muy dentro,
era con buena intención.
Así expresaba su amor
que era un tanto mordedor,
lo hacía con simpatía
pero nadie la entendía.

El niño herida
Pobre, pobre niño herida,
arañado en la rodilla,
golpeado en la espinilla.
Así fue toda su vida.
Por la calle se caía,
en el fútbol balonazos.
Da igual, en rugby o tazos,
el pobre, daño se hacía.

La niña persiana
Esta es la niña persiana
Al hablar se enrolla tanto
Que se vuelve muy pesada
Ella no es muy coherente
Su interior es muy demente
Nadie la puede aguantar
Mas sola nunca puede estar
Siempre ella quiere jugar.

Premios do concurso de relatos PrensArteixo

Un curso máis, o centro participou no concurso de relatos PrensArteixo convocado polo xornal La Opinión. Este ano o tema elixido foron os dereitos humanos. Cómpre sinalar que foi o equipo de xornalistas do instituto o encargado de facer o chamamento ao alumnado para a súa participación.

O alumnado premiado foi o seguinte:
1º premio: Alba de Barros Vega: "Derecho: igualdad de género.
2º premio: Javier Allo Campaña: "Diario de una tortura".
3º premio: Lucía Pino Aradas: "Tourette".

A entrega de premios celebrouse no instituto e a ela acudiu o alcalde de Arteixo e a directora de La Opinión.

Queremos dende aquí darlle os nosos parabéns a este alumnado así como felicitar o equipo integrante do Diario Joven de Arteixo e a súa profesora coordinadora, Susi Pico, polo fantástico traballo que realizaron durante todo o curso. Orgullo de alumnado e profesorado.

Exposición sobre as Misións Pedagóxicas

Aínda podedes desfrutar da estupenda exposición que a Biblioteca montou ao redor das Misións Pedagóxicas. É unha parte importantísima da nosa historia que convén coñecer e recordar.

Entre os anos 1911 e 1936 desenvolveuse en España unha experiencia en educación popular tan orixinal como interesante. Un conxunto de ensinantes, escritores e artistas (maioritariamente novos) percorreron a xeografía española levando libros, películas, obras de teatro e títeres a localidades e aldeas campesiñas, algunhas aínda moi illadas.

Manuel Bartolomé Cossío foi o pedagogo que impulsou as Misións Pedagóxicas:
- "Mestres e libros é a gran sementeira que ten de facerse en España".
- "Hai que espertar o amor pola lectura, levando libros ás xentes que agora non van nin irán á escola, e facéndolles, coa lectura en voz alta, como fan as Misións, gustar dos praceres que os libros encerran".

Algúns destes mestres e mestras que participaron no proxecto foron: Luis Cernuda, Carmen Muñoz, Rafael Dieste, Maruja Mallo, José Val del Omar, Alejandro Casona, María Zambrano, Miguel Hernández ou Federico García Lorca.

Moitos destes mestres e mestras foron represaliados tras a guerra civil.

A importancia do seu legado non pode quedar no esquecemento.

Exposición: a industria

Fronte a cafetaría tedes unha estupenda exposición sobre A Industria, como parte final do interesante traballo realizado polo alumnado na materia de Xeografía e Historia. Trátase dun traballo de investigación sobre este sector que incide de forma especial nos países de deseño e xestión dos productos en contraste cos países de fabricación.
Antes de cortar as etiquetas da roupa, ás veces tan molestas, non vos esquezades de botarlles unha ollada, pois a información que nos proporcionan pódenos abrir moito os ollos.

Exposición da materia de Latín

Sabedes a que fai referencia a frase "Tempus fugit"? E a palabra "Etcétera"? Sóavos o dito "Verba volant, scripta manent"?

Na biblioteca e polos corredores do centro podedes desfrutar do marabilloso traballo realizado polo alumnado na materia de Latín.

Ademais de coñecer curiosidades sobre sentencias e frases feitas que seguro vos soan un montón, poderedes descubrir a interesante figura de Hipatia de Alexandría, unha matemática extraordinaria do século IV. Se queredes saber algo máis dela tamén podedes ver a película Ágora, do director español Alejandro Amenábar.

Save the Children

O instituto participou na actividade Marcadores Solidarios da ONG Save the Children. O alumnado de 1º e 2º ESO logo de ser informados sobre o labordesta prestixiosa organización, recibiu un conxunto de marcadores de lectura que debía ilustrar para despois vender. O dinero recadado foi entregado á ONG.

Escenificacións do club de lectura

Os membros do club de lectura de 1º e 3º ESO puxéronse na pel de importantes mulleres da nosa historia para contar as súas vidas polas clases do centro.

Deste modo, visitaron as aulas: a sufraxista Kate Shepard, a pirata Grace O'Malley, a matemática Ada Lovelace, a pedagoga Maria Montessori ou a científica Rita Levi-Montalcini.

Se queredes coñecer as súas incribles vidas e o importante papel que desenvolveron, podedes consultar algún dos libros da biblioteca como Cuentos de buenas noches para niñas rebeldes ou Pioneiras.

Día da poesía

Tres poetas do Murguía sumáronse á celebración do Día da poesía nun encontro que, dende hai uns anos, o escritor Alfredo Ferreiro organiza no centro cívico de Arteixo.

Na tarde noite, compartiron os seus versos a carón de poetas consagrados como Estíbaliz Espinosa, Xulio López Valcárcel ou Diana Varela Puñal e músicos da Escola Municipal.

Toda unha delicia escoitalos!

Exposición CALIGRAMAS

O profesor de Galego, Ramón Echeverri preparou co alumnado de 4º ESO unha exposición sobre os caligramas como mostra representativa do espírito rompedor e creativo das vangardas.

Aquí tedes os caligramas que fixeron este curso. Chulísimos!!!!!!!!!!

Charla do escritor Héctor Cajaraville

O alumnado de 4º ESO asistiu á charla que ofreceu o escritor Héctor Cajaraville para falar do libro de lectura neste nivel: O segredo da casa de Formoso.

O autor explicou as motivacións que o levaron a cambiar o xornalismo pola literatura e os temas que máis lle interesan para abordar a creación das súas historias.

Charla Solidaria APADAN

Tivemos a oportunidade de coñecer o mundo dos refuxios de animais da man de Imma, traballadora voluntaria no centro APADAN, unha asociación protectora de animais.

Grazas a ela puidemos saber cal é o proceso de recollida de cans abandonados ou maltratados e o marabilloso labor que realizan de maneira altruísta. Soubemos que é un traballo moi duro porque entre outras moitas tarefas sacan de paseo aos cans todos os días. Imaxinas?

Quedamos impresionados coas imaxes deses cans orfos, faltos de cariño, famentos  e feridos que atopan nas rúas da cidade ou nos montes.  O importante , o que da consolo, é saber que moitos deles atoparon fogares de acollida onde pasan a ser os reis e as raíñas do mundo.

Os que tedes cans sabedes do que estamos a falar e os que non tedes podedes entrar na súa páxina web para comprobar as diferentes maneiras de axudar ou acoller un animal maltratado.

Irmáns García Naveira - Transformacións

A profesora e artista Rosana Carnero sorprendeunos a todos con esta mostra creativa e artística sobre as iniciativas e transformacións socio-culturais que levaron a cabo os irmáns García Naveira en Betanzos. O traballo foi realizado polo alumnado de 4ESO da materia de Plástica.

O grupo converteu un corredor do noso centro nun pequeno Betanzos de comezos do século XX.

Se damos unha voltiña pola exposición poderemos ver a escola, o lavadeiro público, o asilo e centro social e o parque do Pasatempo.

Ademais, formúlasenos unha pregunta ben interesante que chama a atención sobre a nosa implicación e responsabilidade coa contorna: Se che tocara a lotaría, que farías? Unha escola, un asilo, un centro social, un lugar público de recreo...? Os irmáns García Naveira fixeron todo isto devolvendo á súa terra parte do froito do seu traballo na emigración americana.

Exposición "Muller tiñas que ser..."

Para conmemorar o 8 de marzo, Día da Muller, montamos na Biblioteca a exposición “Muller tiñas que ser…” formada por unha manchea de volumes escritos por mulleres que podedes disfrutar. Entre eles figuran:

-O puño e a letra, de Yolanda Castaño, o primeiro cómic poetry en galego. A autora é, ademais de poeta a dinamizadora cultural, a creadora da residencia literaria 1863, sita na Coruña nun edificio que se construíu ese ano emblemático no que Rosalía de Castro publicaba Cantares Gallegos.

-Todos deberiamos ser feministas, de Chimamanda Ngozi Adichie. Un ensaio moi necesario sobre a maneira en que as mulleres deben ocupar o seu lugar no mundo.

-Cuentos de buenas noches para niñas rebeldes, de Elena Favilli e Francesca Cavallo. Os contos tamén nos transmiten estereotipos que é necesario superar. Neste volume as autoras recollen as extraordinarias vidas de 100 mulleres valentes que cómpre coñecermos.

-La mujer en el mundo, de Joni Seager. Atlas de xeografía onde podemos comprobar como lle afecta á muller a desigualdade mundial.

-Camioneras, de Bel Olid. Un cómic sobre a igualdade laboral das mulleres.

Vida de Rosalía 3ºB

Aquí tedes as fotos da acividade realizada no Centro Cívico de Arteixo sobre a vida de Rosalía de Castro.

 Coma en anos anteriores a actriz Ana Hermida métese na pel da escritora galega para falar da súa vida. Recita, canta e provoca que o alumnado visitante participe dunha maneira lúdica pero tamén comprometida.

Pero sobre todo o que fai é desmontar a imaxe dunha Rosalía chorona e trista para ofrecer outra dunha muller alegre, combativa e moi comprometida coas mulleres e a súa terra.