DON QUIXOTE

Aquí vos deixamos un vídeo que recolle os mellores momentos das actividades feitos arredor do libro e da lectura en conmemoración do Día do Libro. Grazas a todas e todos, alumnado e profesorado, por participar e facer cousiñas tan creativas!

"A lectura é á intelixencia o que o exercicio é ao corpo." (Richard Steele)

"Un libro aberto é un cerebro que fala; pechado, un amigo que espera; destruído, un corazón que chora." (Proverbio hindú)

CONCURSO DE CREACIÓN : OS NOSOS MEDOS

                                     CONCURSO DE CREACIÓN: OS NOSOS MEDOS
Xa está aberto o prazo para presentarse ao concurso de creación "Os nosos medos". Anímate a participar! Sabemos que neste centro hai moitos artistas. Lembra que hai un premio agardando por ti.

(Os traballos recolleranse na biblioteca.)

ACTIVIDADE DON QUIXOTE

Co gallo da celebración do día do libro, o Departamento de Lingua Castelá en colaboración coa Biblioteca organizou a seguinte actividade:
- Selección dunha frase de O Quixote e tradución ás linguas que  falan no noso centro.
- Lectura , na Biblioteca, desta frase a cargo do alumnado e profesorado do centro.
- O profesor Xosé Carlos Ríos ofrecerá  o Venres día 27 no 1º lecer unha charla informal co título
" Quixotear o mundo".

Imaxes das frases:

PRESENTACIÓN LIBRO 1º ESO B

O alumnado de 1ESO/B presentou o libro Los niños de la viruela, de María Solar. 

Foi unha presentación sinxela pero moi preparada que podedes ver nos seguintes vídeos.

Fixádevos na fermosa cartelería feita por eles!

Deus, unha comedia!

O grupo de teatro  do IES Monte das Moas de A Coruña regalounos esta adaptacíón dunha obra de Woody Allen.
Disfrutade co resumo desta actuación.

EXPEDICIÓN BALMIS

Grazas a Teresa, a nosa compañeira de Filosofía, puidemos contactar coa profesora Sinda Cundíns que dirixiu unha obra de teatro sobre a expedición Balmis co alumnado de 6º de Primaria do CEIP de Baio "Labarta Pose".

Como unha auténtica expedición chegou a compañía ao instituto capiteaneada polas súas profes para facernos desfrutar da maxia do teatro. O traballo é realmente fermoso, unha obra musical informativa e lúdica coa que o noso alumnado desfrutou moitísimo.

E para rematar este día, nada mellor que unha boa chocolatada!

 

 

 

A verdade é que o fixeron fantástico! 

Moitas grazas!

XAVIER ALCALÁ

O escritor Xabier Alcalá estivo no Instituto falando do seu libro "Cárcere verde" e amosando a súa faceta máis reivindicativa. Sempre é un pracer recibir a un escritor, sobre todo con tanta experiencia e importancia nas nosas letras como Xabier Alcalá.

PENSAMENTO CRÍTICO: O MAGO DE OZ

Xa sabedes que o noso proxecto deste curso xira arredor do concepto de transformación. Rematamos esta segunda avaliación cun novo festival centrado no personaxe do Espantallo do Mago de Oz que nos permitiu reflexionar sobre a nosa capacidade para pensar utilizando o cerebro que el non posúe e desexa. 

O festival comezou cunha pequena representación teatral do diálogo entre Dorothy e o Espantallo, ao que descolgamos do seu pau para que poidese seguir con nós na busca do espírito crítico. Tamén proxectáronse imaxes de aforismos de autores coñecidos mais tamén urbanos e anónimos, imaxes de grafitis de Banksy, de fotografía filosófica e poética e que invitaban a reflexionar ao ritmo das pandereteiras do centro e do baile dunha global muiñeira en versión hip hop. Houbo por outra banda unha homenaxe a Forges, falecido recentemente, coa proxección dunha escolma das súas viñetas mentres unha alumna bailaba unha muiñeira tradicional para el. E por se fose pouco aínda tivemos tempo de recomendar libros de filosofía e gozar coa interpretación dunha alumna que representou un fragmento do "Radiofonista pirado". Tamén houbo oco para as cancións en directo da man dun alumno que nos deixou claro que hai  diferentes "Maneras de vivir" o espírito crítico.