martes, 12 de febreiro de 2019

Mostra de material reciclado polos alumnado de 4ESO

O alumnado da materia Cultura Científica que imparte a profesora Chus Arias en 4 ESO traballou a reciclaxe de materiais dentro do proxecto Transformacións.

A actividade consistiu en reciclar roupa vella para facer bolsas. O resultado foi incrible!!!!!! A verdade é que despois de ver estas transformacións  anímamonos a dar unha nova vida a nosa roupa .

mirade que chulada

Asistencia ao Teatro no Ágora. EROSKI PARAÍSO

Os alumnos de 1 de Bacharelato acudiron ao teatro na Coruña para ver unha obra moi exitosa titulada  EROSKI PARAÍSO.  O decorado da obra consiste  nos andeis do centro comercial  Eroski  e mentres  os actores e actrices  repoñen os produtos imos coñecendo a historia dun lugar no que antes existía unha discoteca moi famosa en Muros chamada Paraíso. Ista é a conexión do título.

Así, mentres a nai da protagonista limpa unha pescada na peixería do Eroski , imos  descubrindo a vida nos anos oitenta, as frustracións que deixa a existencia, as persoas que xa non están con nós e o discurrir rutinario das nosas vidas programadas para que compremos os produtos vitais que a sociedade demanda .


E que pasou coa pescada? 
pois que se rifa ao final do espectáculo e lévala para casa fresquiña de todo!!!!!!!!!!!


O escenario Eroski


Os andeis baleiros. Repoñendo as nosas vidas.

A compañía CHÉVERE. Magnífica

mércores, 30 de xaneiro de 2019

EXPOSICIÓN NA BIBLIOTECA Manuel María

O equipo de Dinamización Lingüística preparou esta exposición sobre a vida e obra de Manuel María.

Os profesores de galego aproveitaron a información obtida nos paneis para traballar cos alumnos este autor.








luns, 28 de xaneiro de 2019

Encontro con Maite Mosconi

A escritora Maite Mosconi visitou o centro o venres 25 de xaneiro e tivo un marabilloso encontro cos membros do club de lectura de 3ESO. O grupo viña de ler a súa novela Gaedheal, a súa opera prima.

Foi unha charla chea de entusiasmo por todas as partes. A escritora falounos da súa formación e da construción da novela; foi debullando os seus mapas emocionais e o que quería acadar durante a escritura do texto. O alumnado foi pasando por todos os estados: dende a contención inicial, as preguntas tímidas, os comentarios apaixonados e o acoso e abrazo final:)

Grazas por tanta cercanía e implicación! Foi, dende logo, un deses encontros que quedarán gravados nas nosas memorias.

xoves, 24 de xaneiro de 2019

Presentación do libro de Ainhoa Carolina Rodríguez

A nosa alumna Ainhoa Carolina presentou na biblioteca o libro escrito por ela
Detective en nueva York. 
Contounos a súa experiencia como narradora na plataforma wattpad e a posterior publicación da historia.Ten xa preparada a segunda parte desta historia de intriga.

Recital de poesía na Coruña


 O alumnado de terceiro e cuarto da ESO asistiu a un recital poético no Forum da Coruña. Foi unha experiencia moi novedosa para todos eles, estiveron caladiños e moi atentos. Puideron escoitar unha escolma de poemas de artistas galegos contemporáneos como Manuel Rivas, Antía Otero, Emma Pedreira ou Uxío Novoneyra entre outros.
  O amor, a relación coa terra e a paisaxe, co campo e coa cidade; a loita social, a igualdade de xénero, a dura travesía dos expatriados; a guerra...foron os temas das poesías escollidas.

Intérpretes: María Barcala, Aleixandre Lago, Xúlio Lago
Música e dirección: Nani García (piano)
Dirección: Xulio Lago.
Idioma: GALEGO








mércores, 23 de xaneiro de 2019

Reunión clube de lectura adultos



Unha xuntanza á hora do café falando dun libro, que che parece?






O pasado martes 22 de xaneiro tivemos a primeira reunión do clube de lectura  de adultos para falar do libro Patria de Fernando Aramburu.
A verdade é que resultou unha xuntanza moi agradable na que algúns profes e Heriberto 
( representante da AMPA) compartimos opinións sobre a lectura deste libro.