mércores, 27 de xuño de 2018

LECTURAS DO CLUB

Este curso os membros do club de lectura Refuxio Murguía leron moito e moi ben.

Os catro grupos que funcionaron este ano comezaron con relatos de medo como "El almohadón de plumas", de Horacio Quiroga, "El regalo", de Roald Dahl o "El hombre lobo", de Eugene Field. A profe Pilar Zapico fixo unha escolma chulísima e terrorífica. Moitas grazas!
Ata o alumnado de Ana Díaz se animou a facer unha lectura dramatizada de "El almohadón de plumas" para festexar o Samaín.

Dous dos grupos foron moi teatreiros este curso. O coordinado por Ana Díaz leu Coraline, de Neil Gaiman, e repartindo escenas e personaxes foron deseñando a súa lectura dramatizada mes tras mes.
O coordinado por Isabel Rodríguez e máis tarde por Gaiferos Parrado elixiu Peter Pan para desenvolver as súas dotes dramáticas. E querendo dar un paso máis incluso se animaron a facer un guion para unha curta.

O grupo coordinado por Pilar Zapico elixiu dúas obras ben fermosas: El curioso incidente del perro a medianoche, de Mark Haddon, e El libro del cementerio, tamén de Neil Gaiman.

E finalmente, o grupo coordinado por Ana Barral decidiu ler Wonder, de R. J. Palacio, e Eleanor & Park, de Rainbow Rowell. Empezaron tamén con O segredo de Marco Polo, de Francisco Castro, pero xa non deu tempo a máis.

Seguro que todos os membros de Refuxio Murguía contaranvos marabillas destas obras, pois lles gustaron moito.

Ningún comentario:

Publicar un comentario